Posted: 08/31/2012 03:09 PM IST

అండర్-19 ప్రపంచ కప్ చాంపియన్‌షిప్ ఫైనల్‌లో అజేయ సెంచరీతో అదరగొట్టి, భారత్‌కు టైటిల్‌ను సాధించిపెట్టిన కెప్టెన్ ఉన్ముక్త్ చాంద్‌ను దేశం మొత్తం పొగడ్తల్లో ముంచెత్తుతోంది. ఒక్కసారిగా అతను సెలబ్రిటీల జాబితాలో చేరిపోయాడు. అయితే, ప్రపంచకప్ చాంపియన్‌షిప్ గెల్చినంత మాత్రాన తమ నిబంధనలు మారవని అతను చదువుతున్న సెయింట్ స్టీఫెన్స్ కాలేజీ తేల్చిచెప్పింది. ఎవరైతే మాకేంటి? అనుకున్నదో ఏమోగానీ సరైన హాజరీ లేదంటూ బిఎ మొదటి సంవత్సరం రెండో సెమిస్టర్ పరీక్షకు హాజరయ్యేందకు ఉన్ముక్త్‌ను అనుమతించలేదు. రూల్స్ ఎవరికైనా ఒకటేనని, వ్యక్తుల స్థాయిని దృష్టిలో ఉంచుకొని వాటిని మార్చడం కుదరదని తేల్చిచెప్పింది. దీనితో చేసేది లేక ఉన్ముక్త్ ఢిల్లీ హైకోర్టును ఆశ్రయించాడు. ప్రత్యేక పరిస్థితుల కింద అతనిని పరీక్షకు అనుమతించాలని సూచించిన కోర్టు ఈ కేసును వచ్చేనెల 14వ తేదీకి వాయిదా వేసింది. అయితే, ఉన్ముక్త్ రెండో సెమిస్టర్‌లో రాయాల్సిన నాలుగు పరీక్షల్లో రెండు ఇప్పటికే పూర్తయ్యాయి. మిగతా రెండు పరీక్షలను మాత్రమే అతను రాయగలుగుతాడు.